દેવભૂમિ દ્વારકા જિલ્લાના મીઠાપુર તાબેના આરંભડા અને ભીમરાણા વિસ્તારમાંથી પોલીસે વિદેશી દારૂના બે જુદા જુદા કેસમાં કડક કાર્યવાહી હાથ ધરી છે. પોલીસે કુલ 52,810 રૂપિયાનો મુદ્દામાલ કબજે કર્યો છે, તેમજ એક આરોપી ફરાર છે.
પ્રથમ કેસમાં આરંભડા વિસ્તારમાં રહેતા પ્રકાશ અનિલભાઈ ચાનપા અને ભાવેશ દેવાયતભાઈ ચાનપાને પોલીસે વિદેશી દારૂની પાંચ બોટલ, મોબાઇલ ફોન અને સુઝુકી એક્સેસ મોટરસાયકલ સાથે ઝડપી લીધા હતા. સમગ્ર મુદ્દામાલની કિંમત રૂ. 52,810 જેટલી આંકવામાં આવી છે. આ કેસમાં ઉદ્યોગનગર વિસ્તારમાં રહેતો શ્યામ ચાસીયા નામનો શખ્સ મુખ્ય આરોપી તરીકે ફરાર જાહેર થયો છે. મીઠાપુર પોલીસ સ્ટેશનમાં આ અંગે ગુનો નોંધવામાં આવ્યો છે અને વધુ તપાસ હાથ ધરવામાં આવી છે.
બીજાં કેસમાં ભીમરાણા ગામના મયુર કાપડી દ્વારા છુપાવી રાખવામાં આવેલી રૂ. 3,372 ની કિંમતની 6 વિદેશી દારૂની બાટલીઓ પોલીસે કબજે કરી છે. જોકે આરોપી મયુર કાપડી રાત્રિના સમયે અંધારાનો લાભ લઈ નાસી છૂટ્યો હતો. પોલીસે તેની શોધખોળ શરૂ કરી છે.
મીઠાપુર પોલીસ દ્વારા આ પ્રકારની કાયદેસરની કાર્યવાહીથી તાબા વિસ્તારમાં દારૂબંધીના કાયદાને અમલી બનાવવાનો પ્રયાસ કરાયો છે. આરોપીઓ વિરુદ્ધ કાર્યવાહી ચાલુ છે અને પોલીસ તબીબ તપાસ સાથે આગળ વધી રહી છે.
