View this post on Instagram
રાજકોટ જિલ્લાના લોધીકાના મોટાવડા ઉચ્ચ માધ્યમિક સરકારી શાળાના ધોરણ-11ના એક વિદ્યાર્થીઓએ આપઘાત કરી લીધો છે, જેનાથી સમગ્ર વિસ્તારમાં ચકચાર મચી ગઈ છે. આ વિદ્યાર્થીએ આપઘાત કરતા પહેલા એક વીડિયો પણ બનાવ્યો હતો, જેમાં રડતાં-રડતાં પોતે લખેલી સુસાઇડ નોટ બતાવી છે. પોલીસે હવે સુસાઇડ નોટ અને વીડિયો કબજે કરી વધુ તપાસ શરૂ કરી છે.
આપઘાતના કારણો અને સુસાઈડ નોટમાં આક્ષેપ
સુસાઈડ નોટમાં વિદ્યાર્થીઓએ પોતાની શાળાના શિક્ષક પર ગંભીર આક્ષેપ મૂક્યા છે. તેને આરોપ લગાવ્યો છે કે, શિક્ષકે તેના પર પરીક્ષામાં ચોરી કરવાનો આરોપ મૂક્યો અને પોલીસ કેસની ધમકી આપી. જેલમાં જવાની બીકના કારણે અને આ ત્રાસમાંથી બચવા, તે આપઘાત કરવા મજબૂર થયો. નોટમાં સ્પષ્ટ રીતે લખ્યું છે કે, શિક્ષકે તેને પરિણામ ભલે ઉત્તમ આપ્યું હોય, પરંતુ આ ધમકીઓ તેની પર લાગી રહી હતી, જેને લીધે તેણે આ પગલું લીધું.
પોલીસ તપાસમાં છાનબીન
પોલીસે વિદ્યાર્થીના મોતની જાણ થતાં જ સ્થળ પર પહોંચીને તેની સુસાઇડ નોટ અને વિડિઓ કબજે કરી છે. પોલીસનું કહેવું છે કે, તેમની તપાસમાં વિડીયો અને નોટના આધારે શિક્ષકના વિરુદ્ધ કાર્યવાહી કરવામાં આવશે.
વિદ્યાર્થીએ માતા-પિતાને લખ્યો અંતિમ સંદેશ
સુસાઇડ નોટમાં વિદ્યાર્થીએ પોતાની માતા-પિતા માટે એક ભાવનાત્મક સંદેશ લખ્યો છે. તે કહે છે, “મમ્મી અને પપ્પા, મારો કોઈ વાંક નહોતો. મારે આ પગલું શિક્ષકની ધમકીઓ અને પોલીસ કેસના ડરના કારણે ભરવું પડ્યું. મારી સાથે એકમ કસોટીમાં પણ એવું જ થયું હતું. હું તમને ખૂબ પ્રેમ કરું છું.”
વિદ્યાર્થીના આત્મવિશ્વાસને ઝાંખું કરનારા શિક્ષકના આક્ષેપ
વિદ્યાર્થીએ વિડીયોમાં તેમજ નોટમાં રડતાં રડતાં પોતાનો દુ:ખદ અનુભવ વ્યક્ત કર્યો હતો. તે નિર્દોષ હોવા છતાં શિક્ષકની અપમાનજનક વર્તનના કારણે તે અત્યંત માનસિક દબાણમાં આવ્યો હતો.
આ દુખદ ઘટના સમગ્ર શિક્ષણ જગતમાં આઘાત અને દુ:ખનું કારણ બની છે.
