અંબાણી પરિવાર દુનિયાના સૌથી ધનવાન અને અસરકારક પરિવારોમાં ગણાય છે. તેમના લક્ઝુરિયસ જીવનશૈલી, ભવ્ય બંગલા, વિલાસિતાભરી કારો અને મહાકાય ઈવેન્ટ્સ હંમેશા ચર્ચામાં રહે છે. પરંતુ અંબાણી પરિવારના નાના દીકરા અનંત અંબાણીએ એક એવું કામ હાથ ધર્યું છે કે જે માત્ર વૈભવી નથી પણ માનવતા અને પર્યાવરણ માટે પ્રેરણાદાયક પણ છે – એ કામ છે વનતારા.
વનતારા શું છે?
વનતારા એક એનિમલ વેલફેર અને રિહેબિલિટેશન સેન્ટર છે જે ગુજરાતના જામનગરમાં સ્થાપિત કરવામાં આવ્યું છે. લગભગ 300 એકરમાં ફેલાયેલું આ સેન્ટર દેખાવમાં કોઈ ફાઇવસ્ટાર રિસોર્ટ જેવી લાગણી આપે છે. અહીં દુર્લભ અને દુખી હાલતમાં રહેલા અનેક પ્રાણીઓને બચાવીને તેમનું પુનર્વસન અને સારસંભાળ કરવામાં આવે છે.
પ્રધાનમંત્રી નરેન્દ્ર મોદી દ્વારા ઉદ્ઘાટિત થયેલ વનતારામાં હાથી, સિંહ, દીપડા, કાચબા, હરણ, ઘોડા તેમજ અનેક દુર્લભ પ્રજાતિના પ્રાણીઓ રહે છે. અહીં પૂરું જંગલ જેવું કુદરતી વાતાવરણ ઊભું કરવામાં આવ્યું છે જેથી પ્રાણીઓનો તણાવ ઘટે અને તેઓ સ્વસ્થ રહે.
વાર્ષિક ખર્ચ જાણીને દંગ રહી જશો
એક સામાન્ય માનવી માટે આશ્ચર્યજનક વાત એ છે કે અનંત અંબાણી વનતારા માટે દર વર્ષે આશરે Rs.150 થી Rs.200 કરોડ રૂપિયા ખર્ચ કરે છે. આમાં સ્પેશિયલ ડાયેટ, આંતરરાષ્ટ્રીય વેટનરી તજજ્ઞોની ટીમ, એર કન્ડીશન્ડ મેડિકલ યુનિટ, રિહેબ સેન્ટર, એવન સ્પા જેવી આધુનિક સુવિધાઓ શામેલ છે.
પ્રાણીઓના આરોગ્યની ખાસ કાળજી રાખવામાં આવે છે. તેમને અલગ-અલગ દેશોમાંથી, જેમ કે આફ્રિકા, થાઈલેન્ડ અને અમેરિકાથી રેસ્ક્યુ કરીને લાવવામાં આવે છે. અહીં માત્ર સારવાર જ નહીં, પણ તેમના માટે એક આરામદાયક અને માનવતાભર્યું જીવન તૈયાર કરવામાં આવે છે.
અનંત અંબાણી – ધ હાર્ટ બેહાઈન્ડ વનતારા
અનંત અંબાણીનો આ ડ્રીમ પ્રોજેક્ટ માત્ર લાઈમલાઈટ મેળવવાનો પ્રયાસ નથી, પણ પ્રકૃતિ અને પ્રાણીઓ પ્રત્યેની તેમની કરુણા અને જવાબદારીનો જીવંત ઉદાહરણ છે. તાજેતરમાં અનંતે પોતાના જન્મદિવસે જામનગરથી દ્વારકા સુધી પદયાત્રા કરી હતી, જેનો સમાપન વિધિનો વીડિયો સોશિયલ મીડિયા પર વાયરલ થયો હતો.
અંતમાં…
અંબાણી પરિવાર જ્યાં ધન અને વૈભવ માટે ઓળખાય છે, ત્યાં અનંત અંબાણીનું આ પ્રયત્ન બતાવે છે કે અસલ વૈભવ એ માનવતા અને સેવાભાવ છે. વનતારા માત્ર એક રેસ્ક્યુ સેન્ટર નથી, તે એક સંદેશ છે – કે વિકાસ અને દયાળુતા સાથે ચાલવી પણ શક્ય છે.
