દેવભૂમિ દ્વારકા જિલ્લામાં આવેલા દ્વારકા પંથકમાં થોડા દિવસો અગાઉ બનેલી બાઇક ચોરીની ઘટનાનો ભેદ સ્થાનિક પોલીસે સફળતાપૂર્વક ઉકેલી લીધો છે. ચોરીના ગુનામાં સંડોવાયેલા બે શખ્સોને ઝડપીને ચોરાઈ ગયેલી બાઇક કબજે કરવામાં આવી છે.
પ્રાપ્ત વિગતો અનુસાર, પંથકમાં થોડા સમય પહેલાં અંદાજિત રૂપિયા ૫૦,૦૦૦ કિંમતની એક મોટરસાઇકલ ચોરી થવાની ફરીયાદ સ્થાનિક પોલીસ મથકે નોંધવામાં આવી હતી. તપાસના અનુસંધાને દ્વારકા પો.સ્ટે.ના પીઆઈ શ્રી આકાશ બારસિયાના માર્ગદર્શન હેઠળ પોલીસ સ્ટાફમાં હેડ કોન્સ્ટેબલ જીવાભાઈ ગોજીયા અને કુલદીપસિંહ જાડેજા સહિતની ટીમે ગુનાની તપાસ શરૂ કરી હતી.
દ્વારકા પંથકમાં બાઇક ચોરીનો ભેદ ઉકેલાયો: સ્થાનિક પોલીસે બે શખ્સોને ઝડપીને ₹૫૦,૦૦૦ની બાઇક કબજે કરી
તપાસ દરમિયાન મળેલી ચોક્કસ બાતમીના આધારે કલ્યાણપુર ગામના પ્રતિભાભા ભાવુભા વાઢેર અને રાજપરા ગામના નવઘણભા ભાયાભા જગતિયાને શંકાસ્પદ રીતે પકડી પાડવામાં આવ્યા હતા. પોલીસે બંને શખ્સોની પુછપરછ કરી ત્યારે તેમણે બાઇક ચોરીનો ગુનો કબૂલી લીધો હતો. ત્યારબાદ પોલીસે ચોરાઈ ગયેલી બાઇક મળી કુલ અંદાજિત રૂપિયા ૫૦,૦૦૦ની કિંમતના મુદામાલની કબજાવારી કરી.
હાલમાં આરોપીઓ સામે ગુનો દાખલ કરીને આગળની પુછપરછ તથા વધુ તપાસ હાથ ધરવામાં આવી રહી છે. આ સફળતાપૂર્વકની કાર્યવાહી માટે સ્થાનિક પોલીસની કામગીરીને અભિનંદન આપવામાં આવી રહી છે. લોકોમાં પણ પોલીસ પ્રતિ વિશ્વાસ વધ્યો છે.
