છત્તીસગઢના વિજાપુર જિલ્લાના તુમરેલ વિસ્તારમાં નક્સલવાદીઓ સાથે થયેલી ભીડંત દરમિયાન ભાવનગર જિલ્લાના સિહોર તાલુકાના દેવગાણા ગામના વતની મેહુલકુમાર નંદલાલભાઈ સોલંકી શહીદ થયા છે. તેઓ કેન્દ્રીય રિઝર્વ પોલીસ દળ (CRPF)ની વિશિષ્ટ કમાન્ડો યુનિટ **‘બ્લેક કોબ્રા’**માં ફરજ બજાવતા હતા.
ભાવનગરના સિહોરના દેવગાણાના કોબ્રા કમાન્ડો મેહુલ સોલંકી શહીદ: છત્તીસગઢમાં નક્સલી હુમલામાં શહીદ થયા
ભાવનગરના સિહોરના દેવગાણાના કોબ્રા કમાન્ડો મેહુલ સોલંકી શહીદ: છત્તીસગઢમાં નક્સલી હુમલામાં શહીદ થયા
શહીદ મેહુલકુમાર સોલંકી પોતાનું ફરજ નિભાવતાં દેશ માટે શહાદત વહોરી છે. દેશના રક્ષણ માટે પોતાના જીવની આહુતિ આપનાર આ વીર સપૂતના શહીદ થવાની દુઃખદ જાણથી સમગ્ર દેવગાણા ગામ તથા સમગ્ર સિહોર તાલુકામાં શોકની લાગણી છવાઈ ગઈ છે.
મેહુલકુમારના પિતા નંદલાલભાઈ સોલંકી અને તેમના પરિવારજનો માટે આ અપૂર્ણ ક્ષતિ છે. શહીદ જવાનના પાર્થિવ દેહને વતન લાવવાની કાર્યવાહી શરૂ કરવામાં આવી છે, જ્યાં સૈનિક સન્માન સાથે તેમનું અંતિમ વિદાય વિધિ સંપન્ન કરવામાં આવશે.
મેહુલકુમારની શહાદત માત્ર પરિવાર માટે નહિ, પણ સમગ્ર ગુજરાત અને દેશ માટે ગૌરવની સાથે દુઃખદ ક્ષણ છે. તેમણે માતૃભૂમિના રક્ષણ માટે આપેલી આહુતિ યુગો સુધી યાદ રાખાશે.
